كوكيز الإنترنت والتسويق بالعمولة

تعرف كوكيز الإنترنت؟
 للإنترنت كوكيز خاص والمسوقين يموتون عليه.. أما العملاء فهو أكثر شيء غاثهم وينشب بحلقهم.. تعالوا نتعرف عليه.. وكيف ممكن تستفيد من في التسويق؟

الكوكيز، هي أداة تتبع سلوك المتصفح، ويتحمل تلقائي بجهازك بدون ما تحس فيه، وأكثر ناس يستفيدون منه اللي يسوقون بالعمولة.. فالكوكيز يتتبع كل اللي تشوفه وكل الأماكن اللي تزورها وكل رابط تضغط عليه وهو اللي ينظم عرض #الإعلانات اللي ودك تشوفها..

كيف يستفيدون منه المسوقين؟ تخيل أنك ضغطت على رابط #تسويق بالعمولة، حلو؟ بس ما اشتريت منه اليوم.. وقررت تشتري مع نزول #الرواتب.. هل تحسب للمسوّق عمولة؟

هنا تظهر فوائد الكوكيز.. أول شيء لازم تعرف أن كل كوكيز له وقت صلاحية معينة.. بعدها ما راح يستفيد منه أحد.. فلازم كمسوّق تعرف كم مدة كل كوكيز لأن كل موقع يختلف عن الثاني.

مثلاً موقع #علي_اكسبريس صلاحية الكوكيز عندهم 30 يوم من أول ضغطة للرابط.. معناه أنك لو اشتريت حتى بعد 20 يوم فالمسوق راح يحصل على عمولته. ونفس المصدر يقول لنا أن #أمازون صلاحية الكوكيز عندهم 24 ساعة فقط. موقع إنفاتو - Envato يعطيك 90 يوم صلاحية وهي الأعلى.

طيب ممكن يجي في بالك سؤال، بما أن المسوقين كثيرين وروابط مليانة "ملغمة" مين اللي يستفيد، هل أول واحد ضغطت رابطه أو آخر واحد؟ أجاب على هذا السؤال واحد من المسوقين المعروفين بالعمولة الصديق عبد المجيد العساف "أن آخر رابط تم ضغطه هو اللي يتتبعه الكوكيز فبالتالي هو المستفيد".

عشان كذا عزيزي المسوّق اختر برنامج #التسويق_بالعمولة بعناية، اللي يعطيك أطول مدة للكوكيز. حاليًا المتصفحات كلها تدعم خيار منع الكوكيز، وفيه مواقع ما تشتغل إلا بالكوكيز.

أترككم مع اعلان #أبل لخيار منع التتبع. تجدونه في الرابط، مشاهدة ممتعة. وشكرًا..

أترككم مع اعلان #أبل لخيار منع التتبع.

مشاهدة ممتعة ✨
وشكرًاpic.twitter.com/HIdGRUVvsG

— صانع محتوى | خالد ? (@EcomKhalid) September 6, 2021