كيفية البدأ كمسوّق او مسوّقه!

كيفية البدأ كمسوّق او مسوّقه!

تبي تبدا كمسوّق او مسوّقه وماتدري شلون تبدا؟

سواء بالعموله او غيره؟

هذا الموضوع لك ويهمك ويفيدك

شرح لكل التفاصيل والادوات

وكل شي بتشوفه بهالمقال "مجاني" يعني بتتعلم ببلاش وبتبدا تكسب فلوس باذن الله.

اول شي بقوله لك ركز على نفسك

امسك ورقة وقلم وجاوب على هالاسئلة بكل صدق ولا تجامل نفسك ولا 1٪

انت مهتم ب ايش؟

انت تسترسل بالكلام والتعبير عن ايش؟

انت وش تحب؟

وش المجال اللي كل اللي حولك دايم يشاورونك فيه؟

جاوبت على الاسئلة؟ يلا نروح للفقرة الثانيه.

اليوتيوب خله سلاحك الاول بكل شي ماتفهمه وانتبه تستغني عنه

عندك موقعين مهمّه؛

1- علي اكسبرس

2- اي هيرب

.....

3- لينك عربي

4- ادميتاد

3 و4 ذولا حلوين تدري ليش؟ لان كل واحد منهم داخله اكثر من 150 متجر !

ف مستحيل ماتلقى متاجر مهتمه بالمجال اللي تحبه.

ملف مجاني يعلمك كيف تسجل وكيف تبدا فيهم:

هنا شرح للادوات كافي ووافي باذن الله:

الفقرة الثالثه؛

اقولكم من الحين ماراح تنجح لو رميت روابطك بشكل عشوائي ! ماراح احد يشتري منك وهو مايدري انت مين.

تخيل جاك واحد كذا وانت تمشي قالك انا ابيع جهاز ومواصفاته كذا وكذا ! 80٪ ماراح تشتري منه لانك ماتدري منهو وماتدري شوضعه !

او بالاصح (ماتثق فيه).

عشان كذا لازم تبني حساب تتفاعل فيه مع الناس وتفيدهم بمحتوى وكل شي ! مستحيل اشتري منك وانا اشوف بس همّك تاخذ مني فلوس وبس تحط لي روابط كأنك رجل آلي.

لا تتكلف باسلوبك خلك على سجيتك وطبيعتك ووضعك ، ولا تستعجل على رزقك نصيحه مني اصبر شوي واستمر مع الناس وشاركهم وكل شي.

اذا تفكر ان الناس بتستخدم روابطك بيوم ليله وتصير غني تراك غلطان وانصحك ماتبدا الموضوع.

محدثك بعد اكثر من 60 يوم من التفاعل ومشاركة الناس كل شي ! بديت اشوف عوائد الحمدلله.

انك تبني حساب بيفتح لك اكثر من باب وطريق غير التسويق بالعموله، بتجيك عروض من متاجر واشياء كثير.

اذا عرفت كيف تبني حساب وتكسب الناس زي ماقلت لك صدقني صدقني صدقني بتشوف نجاحك قدام عيونك ، استمراريتك هي اللي بتحدد (حجم نجاحك)، بمعنى كل ماستمريت اكثر كان نجاحك اكبر.

وهذي استراتيجتي بالتويتر احطها لك لعّل وعسى تفيدك ب اي شكل.

انتهى المقال ويارب قدرت افيدكم.