اذا انت مدير أو مسؤول تسويق..بدون زعل..هذا المقال يهمك

الساعة وصلت 12 نص الليل وانا لسا في مكتبي وتعبان جدا. اتغديت قهوة ودونات وسط يوم عويص كله اجتماعات ما تخلص

ولكن مع القروشة دي الحمد لله أنجزت شيء ممتاز اليوم ووقعت مع عميل جديد كانت المفاوضات معاه بين اخذ وعطاء لعدة شهور وأكيد ان الاحتفالية بشيء زي كدا لازم تكون ضمن مخططاتي صح؟!

-بدأت افكر فين راح اتعشى..؟

اروح فاست فوود (وجبات سريعة؟)..! حيكون سعرها رخيص وتحضيرها سريع لكنها ما تناسب مود الاحتفال بالانجاز اللي تحقق في دوامي اليوم , ولا حتى فكرة البرغر ماهي مشجعة كثير في ليلة زي دي

ممكن في طريق الرجعة للبيت اروح اجيب كم غرض من السوبرماركت اطبخهم على العشاء اتابع الحلقة الجديدة من المسلسل أو العرض الأول من فيلم جديد ؟ بس انا مو في مود اني اطبخ وانظف والفكرة راح تاخذ وقت طويل ويبغالها مزاج رايق

خياري الأخير هو إني احجز طلبي من مطعم السوشي ومافي حل غير كدا , وأكيد راح ادفع مبلغ “كبير” بس حاخد طلبي بسرعة كمان ألحق الساعات الأخيرة من يومي واكمله بأفضل أسلوب

خيارات العشاء اللي فوق تعكس حجم التردد في اتخاذ القرارات دائما , ومن النادر انه الحلول تكون متعددة في الظروف الحرجة وبكل تاكيد فيه خيار يتوافق مع كل رغبة تناسبك

واللي حابين نوضحه هنا أنه طبيعة العمل مع العملاء في مجالنا ما تختلف كثير عن هذا الشيء

كل الحلول التسويقية لها ايجابيات وسلبيات مع كل العملاء والوكلاء , والحكم متروك في الأخير لك في اتخاذ افضل قرار يناسب طبيعة عملك الالكتروني

اعرف أولوياتك في التسويق 

من خلال معرفة أولوياتك التسويقية تستطيع اختيار الجهة المناسبة أو الحل المناسب لاحتياجتك , ونستعرض هنا الأساليب الشائعة في العمل في مجالنا 

1-جيد ورخيص: تحتاج إنك تنجز عمل بجودة عالية لكن في المقابل ما بتملك الميزانية الكافية لهذا لشيء ! فالحاجة المميزة هنا أنه انت بالفعل عنكدك القدرة على انجاز هذا العمل لكن مو في وقت زمني قصير

طالما ما بتستطيع وضع القيمة المناسبة للجودة المطلوبة فبالتأكيد أن مؤشر التحول سيكون بطيء نوعا ما وهو الشيء اللي ما يتقبله البعض وعشان كذا كثير عملاء ما بيفضلوا هذا الخيار في العادة.

2-جيد وسريع: شركتك تمتلك فكرة ممتازة وتحتاج لحملة تسويقية عبر وسائل التواصل الاجتماعي والقنوات الالكترونية وشرط كمان أنها تنطلق الاسبوع القادم , ولابد أنك تضع في حسابتك مسألة التصميم والكتابة وشراء الوسائط وجدولة عرض الاعلانات وكل ما يوازي عمل مدته شهر كامل أنت تبحث عن انجازه في يوم 

أكيد كشركة متخصصة راح نكون سعيدين بتقديم المساعدة ولكن هذا الشيء يتطلب عمل اضافي لفريق العمل وراح ياخذ منهم وقت وجهد وبالتالي راح يكلفك أنت على أي حال , ومعظم العملاء مستعدين للدفع في مثل هذه الحملات والمشاريع خصوصا لما يعرفوا أنها راح توفر عائد استمثاري ممتاز بالنسبة لهم 

3-سريع ورخيص: حصلت على مهلة قصيرة وميزانية محدودة ؟ الأفضل انك تبحث عن “فري لانسر” او ما يسمى شخص متخصص في المجال لكن حر وغيز تابع لشركة. بيكون الشغل معاه اوفر لكن مو كلهم راح يفهموا البراند واهدافك لان كثير منهم منفذين وليسوا مفكرين. لكن راح يخلص لك شغلك لكن اعمل حسابك انك راح يكون اخذ وعطا عشان يوصلك الشغل بالمستوى المطلوب. ونصيحة مني انك تطلب تشوف شغله قبل ما يسوي شغلك

مصباح علاء الدين

كل مدير تسويق يدور الشغل الممتاز والرخيص والسريع لكن هذا شي فقط يسوي لك هو جني علاء الدين واذا احد حصله يرسلي هو.  ولكن افضل طريقة هي التالية

تعاقد مع شركة تسويق على مدى طويل (سنوي او اكثر) وتكون هي الجهة الداعمة لمتطلبات التسويق الخاصة بشركتك ومع الوقت راح تبني معاهم علاقة ممتازة تخليهم يفهموا البزنس حقك واهدافك اللي حاب تحققها وبما انك راح تتعامل معاهم على المدى الطويل فراح تأخذ سعر ارخص من انك تتعامل بالمشروع وتقدر توزن معادلة شغل ممتاز وميزانية معقولة (مو رخيص هههههه) والتزام بالمواعيد ويقدموا تضحيات في المشاريع المستعجلة