كيف استطعت تحقيق تارقت المبيعات في اول شهر تواجدت فيه في خدمة العملاء (كول سنتر) في احد شركات الاتصالات.
في البداية! وفي اول اسبوع لي حصلت على اكثر من ثلاث مخالفات من قسم "جودة المكالمات" بسبب سوء تعاملي مع العملاء! مع العلم ان العميل كان يشتم "شخصي" وليس الخدمة المقدمة من الشركة!
- للامانه كنت افكر اترك الوظيفه بسبب وجود نظام داخل الشركة ينص على:
- (اي مخالفه من قسم الجودة تخصم من الراتب) ف كنت افكر اول اسبوع اكثر من ثلاث مخالفات! وش بقى من راتبي؟
لكن الحمدلله قررت اني اتعايش مع الوضع واحاول القى حل للمشكلة اللي اعاني منها! وبديت ابحث في المواقع واقرا كتب تخص هالمجال "الغثيث" اللي 90٪ من مكالماته عملاء زعلانين! مع العلم انه يجب عليك كممثل خدمة عملاء! انك تخدم العميل في حدود ثلاث دقايق!
واخيرًا وجدت الحل والاسلوب المناسب للتعامل معهم والخروج باقل الاضرار واكبر الفوائد!
اتبع الخطوات الجايه وصدقني بتنجح مع كل عميل "زعلان"
عشان تكسب رضى اي عميل!
1- الانصات ( اترك العميل يفرّغ كل طاقته لين ينتهي بدون اي "مقاطعه" )!
2- تفاعل معه في مشكلته ( معقولة كل هذا صار معك؟ والله اعتذر منك "شخصيًا")!
3- اسئلة ماهو الحل المطلوب او وش يرضيه؟
4- استغل الفرصه وقبل تحل مشكلته بأنك تعرض عليه "اكثر من خدمة" راح تحل مشكلته بشكل كبير، عشان تجهز عقله الباطن للإيحاء له باتخاذ قرار شراء!
5- انتق كلمات مناسبه واستخدم لغة الجسد (تحريك يدينك وانت تشرح وابتسم) لان هذي السلوكيات راح تعطي صوتك حيويه وقدرة اكبر على الاقناع!
6- كرر اسم العميل عند توضيحك اي خدمة مقدمة، عشان تعطيه شعور انك مهتم لامره بشكل كبير.
7- لا تجادل العميل ابدًا !!!
8- ركز على العاطفه وابتعد عن المنطق! جرّب تطبيق النصائح وبتشوف بعينك ان "خدمة العملاء" "سهله".
انتهى السرد .
